sasha
مشرفة
المشاركات : 158
العمر : 36
 |  موضوع: شوية مسجات ...اعطوني رايكم الأحد سبتمبر 13, 2009 1:59 pm | |
| ماهي نزوه اخترتك رفيق عمري نريدك عزوا...مش مصلحه تمت ومش نصابه ولاهي بهرجه على حياه كدابه....الناس عالوفا والصدق تتلاقى وماعمره يلتم الصدق والهزوه
_الناس في بسمه المجروح منخدعه!...كم بسمه وراها النار بأنفاسي....بعض المواجع لها ماتنفع الفزعه.....وبعض المواجع وجعها من وجع ناسي......عودت نفسي عالصدمات والفزعه ولو دست جمر الزمن ما ينحني راسي.
مش كل حد تشكيله الهم ولا كل حد يعرف اوجاعك ,ماهناك حد كيف(..........)من غير ماتحكي يعرف اطباعك ومبهاه القسم كان لم ومخزاه كان باعك.
مايوجعك جرح القديم تنساه ولا ترده...اللي يوجعك جرح العزيز وقسوة ملامه وصده والدنيا يقولوا مكاتيب مرات يسر ومرات تشوف الشده وما عيب خاطي العيب وخونت اصحاب الموده.
انا وصاحبي والذيب ترافقنا وتعاهدنا ما نخلي للخوف داعي ,وصاحبي مايجيه النوم الا على ذراعي...........خفت لا الذيب يغدرني وخوفي يهيج اوجاعي ,فقت من نومي مفزوع لقيت الذيب حارسني وصاحبي قاطع ذراعي..!
مرات تبدا القرش ماتكسابه..ومرات تبدا القرش تلعب بيه...مرات تسكن في عقاب خرابه ومراتتبني قصر وتعليه...مرات كيف الزرع تبدا صابه..ومرات قش الريح ينفخ فيه...وفيسع يمر العمر شن تحسابه وتنزل تجي للقبر تسكن فيه...خليك ديما شخص ليه مهابه وهلي بعد عالدين ماتماريه...وتبع نبينا كون كيف اصحابه..وراجع كتاب الله واقرا فيه.
قال الصبر مانقدر ندوم...كيلك هم يطلفح جمام...عليك الدهر مابطل هجوم...حياتك حرب مافيها سلام...وبحرك فيه مانقدر نعوم,بحر غريق معبا الغام...كيف الراي ياغالي السوم؟وكيف الحل يا سمح البسام؟
ناس نشوفها كل يوم لا موعد ولا شوق بس اقدار وناس غايبه بس لها بالقلب مقدار ناس تفكرهم يسعدوك وناس تفكر كيف تقدر تبكيك..لا تشتري من حاولوا يخسروك ولا تخسر اللي فكر بيوم يشتريك...مافي اجمل من صديق يصونك ولا اقسى من قريب يعاديك...اكبر قهر في ناس يبونك وانت تبيهم بس حظك لعب فيك.
مازلت نرجى فيك لين تجي ومازلت في عهدي كتيم اسرار ومازلت واضح كيف ظنك بي وعمري وراك نكمله صبار انا مسامحك مابغيت منك شي مفوت مواجع كاثرات كبار..وانا مسامحك مابغيت منك شي مفوت مواجع كاثرات كبار وانا للسلام مادد قداك ايدي وماعمرني كافيت باللي صار وديما على شانك نزيد اقدار..خفت نتكلم تنقلب الاخبار.
بلا خوت ماتقدرها الدنيا صعيبه كان جاك خبرها...بلا خوت مالك هيبه...وبلا خوت ماتسوى تراب زريبه....بلا خوت مالك والي لأنك حبيب الناس ولأنك غالي
لاجابني شكلك ولا شخصيتك....سبايب اعجاب العين انسانيتك
تتعب كان درتلهم سريب أذيول الناس صحبتهم دمار أوقات الضيق مافيهم قريب ويبيعوك في وضح النهار. أوروس الناس نيتهم حليب بيهم تعتز جيابت أفخار.وراهو الزين مو كيف العطيب وعندك عقل ياصاحب أختار.
لاتصير صحبه ولا إتم قرابه .. إن كان ساسها بادي طمع وإنصابه
صحيح هزيله .. الصحبه إللى تبدا خداع وحيله
الصحبه مثيل البيت فى تنزيله يطيح كان ماهن واثقات أطنابه
والصاحب إللى بيجيك وبتمشيله مفروض تفهمه وتعرف مصب شرابه
إنكانك لقيته للخداع وسيله عديم ترجمه تافه تسكر بابه
خايف عليك اتضيع واتضيعني . . . بلاش الغلا ياخاطري طاوعني
| |
|
المهندس
مشرف عام
المشاركات : 229
العمر : 43
| |
المدير
المدير
المشاركات : 74
| | موضوع: رد: شوية مسجات ...اعطوني رايكم الخميس أكتوبر 01, 2009 11:04 am | |
| السلام عليكم
اهلا بيك ساشا .. موضوع المسجات حلو وجي فى وقته
تسلم ايدك ساشا | |
|
حميدتش
مشرف
المشاركات : 276
العمر : 27
| | موضوع: رد: شوية مسجات ...اعطوني رايكم الأحد أكتوبر 04, 2009 2:05 am | |
| مشكور على المسجات يا ساشا
بارك الله فيك
| |
|
التايب
عضو مشارك
المشاركات : 60
العمر : 41
| | موضوع: رد: شوية مسجات ...اعطوني رايكم الأحد أكتوبر 04, 2009 11:16 am | |
| | |
|
sasha
مشرفة
المشاركات : 158
العمر : 36
| | موضوع: رد: شوية مسجات ...اعطوني رايكم الخميس أكتوبر 15, 2009 2:20 am | |
| | |
|
